A Second Chance

Lahat tayo takot mamatay. Kasi iniisip natin paano nalang 'yung mga mahal natin sa buhay, kung wala na tayo? Paano nalang 'yung mga naiwan mo?

Walang gustong mamatay. Pero lahat tayo ay mapupunta sa kapalaran na 'yan. Walang sino man sa atin ang makakaligtas sa kamatayan.

"Ayaw ko pang mamatay."

'Yan ang paulit-ulit na sinasabi ni Palmera sa sarili matapos siyang subukin ng tadhana dahil sa sakit nya. Ayaw nyang iwan ang mga mahal nya sa buhay, ang mga magulang niya, at lalong-lalo na ang mahal niyang boyfriend na si Mario.

Pero paano kung bibigyan ka pa ng isa pang pagkakataon para mabuhay?

Bagong buhay.

Bagong pag-asa.

Pero magiging masaya ka ba kung sa panibagong buhay na binigay sa'yo, kapalit nito ay sakit na dulot ng taong mahal mo?

Gugustuhin mo pa bang mabuhay, kung sa pagbalik mo, nagbago na ang lahat? Maging siya ay nagbago na?

Handa ka bang gawin ang lahat maibalik lang ang lahat sa dati? Kahit ang kapalit nito ay ang tuluyang paglayo sa'yo ng taong mahal mo?