انتقام الاشباح

عادل : لو اتحركت من مكانك هديك حقنه تانى وانت عارف ايدى.

مازن خاف ومرضيش يتحرك من مكانه
بدأت ندى بالضحك.

مازن : بتضحكى على ايه.

ندى:ضابط و بيخاف من الحقن شئ غريب.

مازن : اية الغريب؟ و بعدين انا مش خايف.

عادل ضحك: هو مش بيخاف خالص بس دايخ شويه (وغمز لندى).

وضحكو هما الاثنين مازن قام ونزل من العربية وندى نزلت خلفه هى و عادل.

مازن:ها مش هتقوليلى بقى الجثه بتاعت مين.

-----------------------------------

عادل : اهدى شويه يا مازن متنساش انك تعبان.

مازن : انت مش شايف انهم بيستهبله كل واحد فاكر نفسه بيمثل فيلم رعب.

حسام : انت متعصب ليه انت اساسا من الاول عارف انه الى بيقوله على ده محصلش و الدليل انك قولتلى هات المسدس وتعاله يعنى انت كنت هتموت واحد ميت بالمسدس.

مازن : انا افتكرت انه ممكن يكون حد تانى وهو اتهيقلوا انه احمد (وهو متوتر و ظاهر عليه الكدب ).

حسام : كفايه كذب بقى انت عارف انى مستحيل كل الى هما بيقلوه والى انت شفته ادام المرايه تهيقات.

مازن و عادل بصلوا بستغراب اوى.

عادل : انت فعلاً شفت حاجه من الى هو بيقول عليها دي.

مازن : ثانيه واحده بعد ازنك يا عادل ، انت عرفت منين يا حسام انى شفت حاجه و ادام المرايه انا متاكد انى مقلتلكش.