Walong Sumpa sa Iisang Mukha

Maiinit na labi ang lumapat sa aking leeg. Ramdam ko ang nag-aalab niyang pagnanasang kagatin ang malambot na bahaging iyon. Ngunit sa di mawaring dahilan ay pinipigil nito ang sarili. Mapangahas ang mga kamay niyang naglalakbay at nanunubok sa bawat kurba ng aking katawan. Tinutudyo nito ang mga bahaging ngayon ko pa lang nararamdamang may buhay. May init.
Sinakop niya ang aking labi at marahang nahila ang aking buhok upang mas mapalalim pa ang halik na iginagawad niya sa akin. Ni hindi ko alam kung saan at kailan ako natuto nito pero tila ba sanay na sanay ang labi ko sa kanyang ginagawa. Halos matupok ako ng apoy sa masauyong pagdampi ng mga kamay niya sa aking dibdib. Pakiwari ko'y ito ang unang beses na nahawakan ako ng isang lalaki. LALAKI!!!!