Barung-Barong

“Kapag yumaman at ikasal tayo, lalayo na tayo sa lugar na ito. Pupunta tayo sa lugar na hindi na natin muling mararanasan ang mga paghihirap na nararanasan natin ngayon, sa lugar na matutupad ang pangarap nating maging duktor, magkaroon ng malaking bahay, kumain ng masasarap na pagkain, magsuot ng magagarang damit, at higit sa lahat, sa lugar kung saan mapapawi ang lahat ng kalungkutan at mapapalitan ng wagas na kasiyahan. Hintayin mo lang Julian, hintayin mo lang…"

+++++++++++++++++++++++++++++++++++++
“Patawarin? Oo, madali lang ‘yon, pero ang kalimutan ka, mahirap. Mas mahirap pa sa kahirapang nararanasan ko. Para kang multo, multo ng masayang nakaraan namin ni Jasmin. Sana hindi ka na lang bumalilk. Sana hinayaan mo na lang akong maghintay sa wala kaysa ganitong saktan ako. Mabuti sigurong ‘wag ka ng bumalik dito. Sana nga lang, maging masaya ka kay Andrew, kasi ako kailanman, hindi ko na mararanasan ang maging masaya.”