Sierra Madre (boyxboy)

WARNING: THIS STORY CONTAINS BOYXBOY ACTION. READ AT YOUR OWN RISK.

Nag-umpisang maningkit ang mga mata ni Lhaki. Pinilit niyang labanan ang mga luhang makailang ulit na tinangkang magpumiglas palabas ng kanyang mga mata.

Hindi.

Paimpit niyang sinugpo ang pag agos ng mainit na likidong magsisiwalat ng kanyang lihim na pagibig. Hindi siya iiyak ngayon. Lalong lalo na sa gitna ng pagiisang dibdib ng pinakamamahal nyang si Maalik sa kapwa nito Alpha.

Hindi siya iiyak.

Bagkus ay susuportahan ang kayang sinisinta sa kung ano at saan ito magiging totoong maligaya. Kahit ang kakambal nito ay ang katotohanang hindi siya kasama sa kaligayahang iyon.

Ngunit may misteryosong paraan ang pagibig.

Sa gitna ng seremonya ng kasal, dama niya ang mga sulyap na kanina pa nilalakbay ang buo niyang katawan.

"Lhaki, tulungan mo ako dito. Pigilan mo ang kasal na to. Pakiusap tulungan mo ako." Naghuhumiyaw ang boses ni Maalik sa isip niya.

Sa isang iglap ay napatunghay si Lhaki. Nagniningas ang mga mata ni Maalik at nakatitig ito sa kanya habang walang kamalay malay ang mga tao sa nangyayari.

"Lhaki! Lhaki! Wag mo naman akong pabayaan dito oh. Tulungan mo ako..."

Dahan dahan, naglakad si Lhaki palabas ng mala-palasyong mansyon ng mga De Vera. Naglakad siya palayo hanggang lamunin siya ng dilim. Katahimikan. Hanggang isang nakalulunos na alulong ng lobo ang pumailanlang. At kasunod nga niyon ay ang hindi inaasahang pangyayari na magpapabago sa itinakda.

Anong kayang gawin ng isang ordinaryong tulad ni Lhaki upang mapigilan ang pagiisang dibdib ng dalawang Alpha?

Napawi ang kadiliman. Sumilay ang liwanag. Nahawi ang mga ulap. Lumantad ang kabilugan ng buwan.

Kasabay ng paglantad ng isang pagibig na matagal na kinimkim at itinago. Kasabay ng pagsambulat ng katotohanang ikagigimbal ng buong angkan ng mga werewolves sa pack na iyon. Kasabay ng pagsisimula ng isang kwento ng wagas na pagmamahalang inyong tututukan.