KAKAIBA SI CARLOS--hindi dahil may lahi siyang Amerikano, kundi dahil sa kaniyang kakaibang nakikita simula noong bata pa siya. Hindi siya pinapakialaman ng mga nakikitang nilalang, ngunit nang maghuramentado ang isang baliw na babae sa simbahan, nagsimulang siyang tugisin ng mga ito. 'Di inaasahang madakip ang kaniyang lola sa isang insidente. Upang maligtas ang kaisa-isang pamilya, kailangan niyang pakawalan ang isang diyosang nagngangalang Mathilda Bruhilda--ang susi sa lahat ng misteryong nangyayari sa kanilang paligid. Nadawit ang buhay ni Carlos sa mundo ng mga diyos at diyosa ng sinaunang panahon sa Pilipinas. Kailangan niyang magdesisyon kung kasalanan ba ang pagkasilang sa kaniya, o siya ba ang sinasabing itinakda upang iligtas ang buong Pilipinas mula sa pagbabalik ng kasamaan sa lupa.