Sa Dulo Ng Bahaghari #wattys2018

"Kung loloobin lang ng Maykapal, ikaw na lang sana ang iibigin ko. Kahit di mo na maibigay ang lahat basta may pagpapahalaga at pag-ibig na nandiyan sa puso mo para lang sa akin, walang kailangan. Mahal kita, eh. Mahal na kita..."

Mahirap magmahal. Lalo pa kung ang pagmamahal na iyon ay nasumpungan mo sa kapwa mo ring kasarian. Iyon ang natuklasan ni Lance. Hindi na naman kataka-taka dahil nabibilang siya sa ikatlong kasarian. Pero para lang mapatunayan ang pag-ibig na iyon, hindi lang sarili ang kailangan niyang harapin kundi maging ang lalakeng minamahal--si Gilmar, na ayaw paniwalaang mahal niya ito lalo pa at nagsimula lang naman ang lahat nang ialok nito ang sarili sa kanya kapalit ng pera dahil sa gipit na sitwasyon. Ginawa niya ang lahat upang ipakitang hindi katawan ang habol niya rito kundi ang puso nitong malikot sa pag-ibig. Pero kung kailan naman narinig niya sa mismong mga labi nito na mahal na din siya, saka niya matutuklasang may malaking hadlang sa pagmamahal na iyon--ang asawa at anak nito. Ipaglalaban ba niya ang lalake o ipagpaparaya niya ito kasehodang nagmamakaawa na sa kanya na huwag niya itong iiwan?