BITAW NA TAYO KUNG KINAKAILANGAN TALAGA

Nagpatuloy lang tayo sa biyahen pag-ibig
Minsang humarurot, dumiretso, lumiko, humarurot muli, naflatan,
Pero hindi ko akalaing tuluyan tayong
mawawalan ng preno hanggang sa ito na ang
kusang huminto

Walang sinuman ang makakaligtas sa sakit,
Wala, kahit pa iyong akala mong perpektong
pagkakatagpi ng bawat istorya,
Magkakaroon ng lamat,
Posibleng tuluyang mabasag;

Iyong dating malayong pag-iibigan
hindi na sinangayunan ng kalangitan,
naging mapanakal,
naging rehas na gawa sa bakal;

Gustong umalpas,
Gustong kumalas,
At bilang pagmamahal,
Nagparaya ka na mahal;

Oras na para bumitaw
kasi hindi tama ang pagmamahal na labis na nag-uumapaw,
Nakakalunod- hindi ako makahinga,
Nakakalunod hindi ako makakilos,
Nakakalunod- tinatangay na lang ako ng agos;

Hayaan na muna natin ang luha na bumuhos,
Hanggang sa maunawaan natin ang mga bagay na ito nang lubos,
kaysa naman tayo ay maubos,maging pulbos,maging upos;

Bitaw na tayo Kinakailangan talaga :(
Para sa'yo , Para sa akin