😭😭

راح انساک ابشرک وانهي قصتي وياک"
واشـد جـروحي بيـدي واتخـذ عبــره"
بعـد ما احب ابد لو مـدري شيــصـير"
رفضت الحـب بعد ما انحــني الامـره"
وبعــد هيهـــات ارد الذيـــچ الايــام"
الچنـــت بيها غشيـم وفــاقد الخــبره"
طحــت مـره بعــد ما طيــح هيهــات"
يا وسفـه وندامـه ويـا الــف حسـره"
انـي الانجـرح مـن بعـد ذاک الطــيب"
لو ادري مـن الاول مـا صرت شجـره"
سلمتـــک گلــب ولـک كلهــا تتــمناه"
شگـد دگــو ابابـه ومـا فتـــح وزره"
عانـدت بمحــبتـک كــومه شمــــات"
گــالو مـو الک كتــــلهم انــتـظــره"
گــالو مـا يحــــبک خـايـــب شبيــک"
گتــلهم احــــبه وابــد مـا خـــسره"
رغم كلــشي احتــويتک بيک منطــيت"
گلت تـسوه التعـب والاه والحــسـره"
طلـع حـبک دغـش يا ريـت مـا حبيـت"
ساعـه البيهـا شفتـک ساعـه الگـشره"
بگلــب واحــد جذب ما صدگ نعــيش"
على هذا القــهر يــراد فـد عشـــره"