زواج لكسيدة 💥(2) Ghazal tust✍️ هنا، بين قوس السقاية وصدى الآذان اللي كيردّدوه المآذن ديال المدينة، بدات الرواية ...رواية جيل من ذهب .. ماكانش الجيل الذهبي مجرد سنوات دازت... كان روح. كان ضحكة خارجة من القلب بلا حساب، كان قعدة فوق سطوح الدور تحت سما عامرة نجوم، كان أحلام كبار فقلوب صغار ماعارفينش الخوف. كان زمن الناس كتآمن بالكلمة، وكتحشم من الغلط، وكتدير الخير بلا ما تصورو. زمن كان فيه الصوت ديال الراديو كيجمع العائلة، وريحة الخبز سخون كتسبق الأذان، والزنقة كتربّي قبل الدار. هاذ الرواية ماشي غير حكاية أشخاص... هي مرآة لمرحلة كاملة، لقلوب دقات بقوة، لقرارات تبدلات بها مصاير، ولحب تزاد فوسط البساطة وبقا عايش رغم قساوة الأيام. هنا غادي نرجعو لوقت كان كلشي فيه أصعب... ولكن كان أصدق. لوقت ماكانش فيه كلشي متوفر، ولكن كان فيه كلشي محسوب بالقلب.