Eintlik moet die verhale deur die ouers aan hul kinders voor gelees word. Wie onthou vir Racheltjie de Beer of Wolraad Woltemade? Met 'n bietjie navorsing en baie verbeelding word die karakters in AL die verhale lewendig, hetsy dit werklik gebeur het of net mites of fiksie is! Op die koop toe word die kinders bloot gestel aan ou gesegdes en uitdrukkings wat in die volksmond verlore gegaan het. Daar is ook 'n les te leer (ook vir volwassenes) uit die vergelykings wat getref word. Alles wentel om die twee kinder karakters Doep en Dorie wat in Krilland woon. Hulle is 'n twee(kril)ling wat als wil uitvind.