Deadline

10:30 am, isang araw sa university, tahimik lang na nagsusulat ng nobela si Gemini gamit ang laptop niya. Sabado nga pero pinapasok parin sila. Ngunit dahil wala naman palang klase ay sa garden na lang siya tumambay dahil mapayapa at tahimik doon.

Pero bigla siyang inistorbo ng isang lalaki.

Si Janus--ang kanyang pinakamatalik na kaibigan at siyang kasintahan narin.

Naisipan biglang lumabas ni Gemini at mamasyal, pumayag naman si Janus. Pagpatak ng hapon nung araw na iyon, namamasyal parin sila pero nagyaya si Janus na tumambay muna sila sa riverbank bago bumalik sa university. At 'yon nga ang ginawa nila.

Pero sa di inaasahan ni Gemini, tinanong siya ni Janus,

"Gemini. Kahit ano bang mangyari, hindi mo ako iiwan?"

Sumagot naman siya ng oo, ngunit nagulat na lang siya nang biglang naglaho si Janus sa kanyang harapan na parang bula. Hindi makapaniwala sa nangyari, mabilis siyang tumakbo pabalik sa university at umaasang mahahanap si Janus muli rito. Pero kahit saan siya pumunta ay di niya nahanap ang kasintahan.

Kaya bumalik siya sa garden, sa pag-asang baka nandoon lang siya...

Pero mas lalo siyang nagulat at nagtaka nang makita ang nakabukas niyang laptop sa garden na 'yon, kahit sigurado siyang niligpit naman niya ito bago sila umalis ni Janus. Nilapitan niya 'to at doon na siya hindi napakali nang makitang--

10:30 am parin ang nakalagay sa orasan ng kanyang laptop.

Sa biglang paglaho ni Janus at mistulant pagbalik ng oras, matututunan ni Gemini kung gaano ba kahalaga ang pagiging handa sa pagtanggap ng mga darating na pagbabago sa buhay niya...

At pagtanggap na lahat talaga ng bagay sa mundo ay may katapusan. May deadline.

---

Highest Ranking: #445 Short Story

|| 5-Part Filipino-English Short Story | Cover made by @Eyka-Chan ||

Started Writing: 2016
First published: 2016 (using my @snowchili account)

Re-published: August 2017