KARMA'S Appetite Series 1: Chef Krit (COMPLETED)

A group of friends and their "KARMA".

"Naging mabait naman ako, Lord, di'ba? Naka-move on naman na siguro ako sa parorot kong pagsinta sa ex kong ginamit lang ako para sa mga projects at assignments niya. Highschool pa ako 'nun. Iba na ngayon. Kaya ready na ako, Lord. Kahit ngayon lang. Bigyan mo ako ng date. Please? Kahit sino pa iyan, tatanggapin ko. Date lang naman, e."

Tinawanan ni Krit ang sariling dasal. Ganoon yata talaga kadesperada kapag ilang taon nang single. Hinihiling na mismo ang imposible sa Maykapal. Paano ba naman kasi? Araw ng mga puso. Lahat nang nakasabayan niyang nag-simba ay may kapares at siya lang ang nag-so-solo?

Subalit ang Diyos, kahit kailan ay mabait talaga. Dahil minuto lang, may ipinakilalang hombre sa kanya sa katauhan ni Cyril Vergara.

"Will you be my Valentine?"

Kung hindi lang tawag ng trabaho, sasagot sana si Krit ng 'oo'. Kaya sa ayaw at hindi, pinalagpas niya ang pagkakataon sa paanyaya nito. Ngunit kung meant-to-be nga naman, muli silang ipinagtagpo ng tadhana. Worst or best, sa bawat araw na nagkikita sila ay nahuhulog na siya.