Renad ~ ريناد

قرب عزوز بخوف وقال: وش تاخذونها.. وين تاخذونها وليش؟؟
تناظر له ساره بطرف عينها وتقول : وانت قاط اذنك عندنا؟؟ وش دخلك؟؟
تبتسم ريناد وتقول: ماياخذوني على طول .. بس اليوم سارون عازمتني..
عزوز يبلع ريقه بصعوبه ويقول: ومتى ترجعين؟؟
ترفع كتوفها ريناد وتقول: مادري..
وناظرت لساره وقالت: امشي للغرفه ببدل ملابسي..
وراحن فوق وعزوز تحت يناظر لهن لحد ماختفن من قدامه..ومسح وجهه بيده بقوه وهو يقول: اختتتك هي اختتتك..
سمع امه من وراه وهي تقول: وش عندك؟؟
التفت بخرعه وقال: ولاشيء .. ليش؟؟
تجي امه بجنبه وتقول بصوت واطي وعصبي: ان ماتركت هبالك مع ريناد وربي لاأرسلها ورى الشمس ولاعاد تشوفها..
عزوز ارتبك وقال : أي.. هباال؟؟ وش تقصدين انتي؟؟
منيره: انت عارف وانا عارفه.. وحذرتك اكثر من مره بس شكله ماكو فايده.. الا ابعدها من هنا..
يقرب من عزوز ويقول بترجي: لا بعقل بعقل قسم بعقل.. لا تبعدينها.. هي اختي؟؟ صح؟؟ اختي؟؟ >> يسأل كأنه يبيها تقول لا مو اختك ويرتاح نفسيا من الصراع اللي داخله بس ماردت عليه وكمل وقال:ايه ايه اختي ...مافكر بشيء ثاني خلاص.. بس لاتبعدينها عني..
تناظر له امه بحزن وهي تشوف دموعه بعيونه حييل متعلق فيها.. بس لازم تبعدها عنه.. لمصلحته..