Ad Astra Per Aspera (Stars and Moon)

Napahiyaw ako nang maramdaman ko ang isang kamao na tumama sa aking tiyan. Pinalinsikan ko ng mata ang kalaban kong walang sabi-sabing sinuntok ako sa tiyan

"That's a very wrong move dude, really wrong." Pagkatapos kong sabihin ang mga katagang ito ay mabilis pa sa alas-kuwatrong sinipa ko ang pangit niyang mukha. Pagkatapos ay hinugot ko ang kutsilyong nakalagay sa maliit na pocket ng aking hita at ginilitan siya sa leeg.

Lumingon ako sa bandang kaliwa at nakita ko si Moon na nakikkipagbunuan sa isang grupo ng kalalakihan. Namataan ko ang isang lalaki na may hawak na dagger at akmang itatarak sa likod ni Moon mabilis kong itinakbo ang distansya papunta sa kinaroroonan ng lalaki at malakas kong sinipa ang kanyang kamay,dahilan upang tumilapon ang dala niyang patalim.

"Thanks, Star", mahinang wika ni Moon habang nakikipaglaban malapit sa aking kinaroroonan.

"No problem, baby."
Sinapak ko ang lalaki na nasa 'king harapan at pinalipad ang isa sa paborito kong patalim, my baby shuricane. Boom! Bull's eye. I grinned. 'That never gets old' mayabang na sabi ko sa aking sarili.

Napahiyaw nanaman ako ng maramdaman kong may sumipa sa bandang likuran ko. Sinundan ito ng sapak na diretso sa aking panga at sapak sa aking tiyan na tuluyan nagpalabo sa aking paningin. Sinubukan kong aninagin ang taong sumapak sa akin ngunit masyado nang malabo ang aking paningin. Kahit mahirap ay pinilit kong tumayo at ibinuhos ang aking buong lakas upang siya ay aking masapak ngunit bago ko iyon magawa ay isang patalim ang tumarak sa aking tagiliran.

"Star!" Hindi ko alam kung paano basta natagpuan ko na lamang ang akin sariling yakap ni Moon.

"Mo-moon?" Sa lahat ng nais kong sabihin ay ito lamang ang lumabas sa aking bibig.

Sinilip ko ang kamay nya na nasa aking likod at nakita ko itong punung-puno ng pulang likido na ang hinuha ko ay dugo.

"Te Amo Moon"

At walang makapagsasabi kung ano ang susunod na mangyayari dahil ang huli kong nakita ay purong kadiliman.