Paano Maging Masaya?

Kahit saan talaga ako pumunta, meron at merong taong manghuhusga. Nandun yung kung matitigan ako, akala mo eh ngayon lang nakakita ng taong nakaupo sa wheelchair at namamasyal sa mall. Meron pang bumubulong ng: "tingnan mo oh, nagtetext." Ano bang akala ng mga 'to sakin?? Hindi ako marunong magtext kahit nakaupo sa wheelchair??--sabi ng isip ko. At meron pang: "hindi ba nakakahiyang kasama sa mall yan??" --sabi ng isang babaeng halatang nagsososyal-sosyalan lang naman. Kaya nung narinig yun ni Ate Belinda, napagsasampal niya yung babae at sumigaw pa siya ng: "Hoy, babae! Itigil mo yang bibig mo! Ikaw ang mas nakakahiyang kasama! Naturingan kang normal pero abnormal naman yang utak mo! Eh kung lumpuhin kaya kita?? Mas nababagay ka sa wheelchair na 'to sabay itutulak kita sa bangin!"

Kung ganito lagi ang ganap sa buhay ko, Paano Maging Masaya?