One Sided Love

"Yieeee ang sweeeet.." Yan ang madalas kong sabihin sa tuwing magkakasama kami. Sa tuwing may nakakakilig na nangyari. Mga pagkakataon na ang lawak ng ngiti ko yung ngiting labas ngipin para masabi nila na masaya din ako katulad nila.

Pero di nila alam na sa likod ng malaking ngiti na iyon ay nagtatago lang ang sakit at pinipigilan ko lang ang mga luha ko na gusto ng kumawala sa mga mata ko.

"Kinikilig ako hihi" kapag andyan sila kinikilig ako pero ang totoo ay nasasaktan na ako.

Ang hirap magpanggap. Ang sakit makita na napapasaya siya ng iba.Yung saya na punong-puno ng pagmamahal. Yung saya na gusto kong ibigay sakanya para sumaya siya, kasi makita ko lang siyang masaya ay masaya na din ako.

Mahal na mahal ko siya. Pero hanggang doon lang yun. Hanggang mahal ko lang siya. Hanggang dun lang yun kasi ako lang yung nagmamahal sa aming dalawa. Ako lang ang nagmamahal kasi may mahal siyang iba. Ang sakit. Ang sakit magmahal lalo na kung one sided love lang.