Midnight Serenade

Yung gusto mo lang makaramdam ng malamig na tubig sa katawan mo, para mawala kahit ni isang minuto ang sakit at problema mo sa mundo. Yung gugustuhin mo nalang maging preso sa sarili mong kwarto kaysa makihalubilo sa mga kaibigan mong walang ginawa kundi ipahamak ka. Yung gugustuhin mo mapagisa kasi na realize mo na, walang nagpapahala sayo.
Kaya ka sa musika kumakapit, bawat tunog at sukat ng mga lyrics ay tagos mismo sa iyong isipan, at tinatanim sa puso mong sugatan para maibsan ang mga nabiyak na parte nito. Ang ngiti nalang na gumuguhit sa iyong labi ang mistulang iyong bala para sa mga matang mapaglaro na umaaligid. At kaway mo sa ere ang mensahe ng pagpapaalam mo sa hinanakit nila sayo. Sabay uwi ng maaga, at ngiti ngiting magkukulong ulit. Naranasan ko na.