Destiny has Messed Up

Si Angel Ramirez ay isang pangkaraniwang babae. Simple at walang hilig mag-ayos ng sarili, mas gugustuhin niya pang magsuot ng damit na kumportable sa kanya kesa ang pumorma na magmumukha naman siyang tanga. Sa unang tingin ay aakalain mong mahirap siya maging kaibigan dahil mukha itong masungit. Ngunit kung kikilalanin mo siya, isa lang siyang simpleng babaeng mapapatawa mo sa simpleng bagay.

Si Raphael Eusebio ay isang binatang hindi man sobrang gwapo subalit napakalakas ng dating sa kababaihan kaya maraming nagkakagusto rito. Masarap siyang kasama at kausap at tila ba ibang-iba sa mga kalalakihan na bad boy image ang dating.

Masasabing bagay sa isa't-isa sina Angel at Raphael, ngunit paano kung dumating ang isang dalagang matatawag mong Campus Sweetheart na sobrang bait at pala-kaibigan sa lahat na magkakagusto kay Raphael? Mababago ba nito ang nararamdaman ng binata para sa kaibigang matagal na niyang gusto ngunit wala lang lakas ng loob upang umamin dito? At paano rin kung sa pagdating ng dalagang ito lang mapapagtanto ni Angel sa sarili niya kung anuman ang tunay niyang nararamdaman para kay Raphael?

Minsan sa buhay kung kelan handa na tayo para lumaban, dun natin malalaman na huli na ang lahat dahil ang taong minsan ka ng ipinaglaban ay nakahanap na ng rason para sukuan ka. Kung ikaw ang nasa sitwasyong ito, susuko ka na ba o lalaban ka pa?