Aernas Academy: Rise Of Disciples

Nilikha ng pinakamataas na Bathala ang iba pang mga bathala upang mapangalagaan ang buong mundo. Si Ernasis, ang diyosa ng digmaan at katapangan. Si Lisnar, ang diyosa ng pag-ibig at kaluluwa. Si Amenias, ang diyosa ng karunungan at pagkakatugma. At si Agnecia, ang diyosa ng buhay at kadalisayan. Para mapanatili ang balanse ng mundo, lumikha din siya ng mga demonic tribes para sa pagwasak kung kinakailangan. Bilang pinuno nila, ipinangalan kay Ernasis ang mundong kanilang nilikha, ang Aernas.

Ang Aernas ay binubuo ng tatlong lahi: tao, duende at mga unano. Ang apat na diyosa ay bumaba sa kalupaan upang tignan ang kanilang nilikha at namangha sila sa kanilang pagkamalikhain at katapangan na ipinapakita ng mga tao. Sina Ernasis, Lisnar at Amenias ay pumunta sa kontinente ng Archemedia, samantalang si Agnecia ay nagtungo sa kanluran kung saan siya humarap sa napakatinding kasamaan at sinakripisyo ang sarili para sa kaligtasan ng mundo.

Dahil sa pagkaganid sa kapangyarihan, tinangka ni Baldinar na gamitin ang soul stone para magamit ang Aernas Hammer, ang pinakamakapangyarihang armas na nilikha sa mundo ng Aernas. Ngunit ang mga Kounatians lamang ang makakakontrol sa Soul Stone ay ang Royal Kounat Family, binasbasan sila ng mga Diyosa para makayanan ang "geas." Dahil sa pagtatakang ito ni Baldinar, nawala sa kontrol ang Aernas Hammer at nagdulot ng malaking pagsabog. Sa sobrang lakas ng pagsabog ay nagdulot din ng pinsala sa kaharian ng mga duende't unano na ikinamatay ng kanilang mga hari. Dahil dito, naniwala ang mga duende na ang mga unano ay nagpakawala ng napakalakas na mahika upang mapatay ang kanilang hari. Samantalang ang mga unano naman ay naniwalang gumawa ang mga duende ng mga mekanismo na kikitil sa kanilang mga buhay. Ito ang nagdulot ng walang katapusang digmaan sa kontinente ng Archemedia.

Sa kabila ng pagsabog na ito, ay himalang may isang natatanging babae ang nakaligtas. Halina't saksihan ang magiging kapalaran ni Mari Ming Onette.