Dark Side

Gabi na naman, tulad ng dati naglalakad na naman ako sa madilim na kanto papunta sa bahay namin pero nararamdaman ko na hanggang dito sinusundan niya parin ako. Nakakatakot pero hinahayaan ko lang. Baka na prapraning lang ako dahil sa dilim.

Tulad ng nakaraang gabi sa tuwing uuwi ako ng mga alas 8 ng gabi palagi ko siyang nararamdaman. Hindi ko alam kung ano o sino ba siya pero hindi niya ako sinasaktan, sumusunod lang siya, hindi nagpapakita kahit man lang anino niya. Hanggang sa nakasanayan ko na ang prisensya niya.

Limang buwan, sa loob ng limang buwan palagi ko siyang nararamdaman, palagi niya akong sinusundan pero kakaiba ngayon kasi hindi ko siya nararamdaman. Nag sawa na ba ito?

Malakas ang ulan, kulog at kidlat habang tumatakbo ako pauwi sa amin, nakalimutan kong mag lagay ng payong sa bag. Sa sobrang pag mamadali ko hindi ko napansin ang mabilis na takbo ng isang malaking truck. Akala ko hihinto siya pero parang hindi niya ako napansin dahil sa lakas ng ulan.

Wala akong marinig, parang huminto lahat pati ang pagtibok ng puso ko. Katapusan ko na ba? Pinikit ko ang mga mata ko kasabay ng malakas na pagbusina ng malaking truck.

"Panong---?" sambit ko sa sarili sapagkat nasa gitna ako ng daan kanina.

Nahagip ng mata ko sa kabilang kalsada ang isang bulto ng isang tao. Lalaki. Isang lalaki.

"Sino kaba talaga" bulong ko ngunit napasinghap ako ng bigla itong huminto na parang narinig niya ang mahinang boses ko bago ito nag patuloy sa paglalakad at naglaho sa dilim.

****
MystUnkown