Piece by Piece (To Be Published Under PHR)

Ang tanging alam ni Musika para iligtas si Lee sa miserableng buhay nila ay tuluyan na itong pakawalan. Pero salungat iyon sa paniniwala ni Lee na kailangan nilang ipaglaban ang kung ano man ang meron kahit pareho na silang nasasaktan. Pero determinado na si Musika kaya nakipaghiwalay siya sa asawa at nagpakalayo-layo siya.
Pero isang aksidente ang nangyari kay Lee na naging dahilan para kailangan nilang magsama ulit sa isang bubong. Nagkaroon ito ng amnesia at ang tanging naalala nito ay ang mga panahong inaayos pa nila ang kanilang relasyon. Pumayag siyang pakisamahan ito pansamantala hanggang sa gumaling ito. Pero naging dahilan lang pala iyon para makita niya ulit ang mga bagay na pinakawalan niya noon, ang kaligayahan sa piling nito at ang contentment na matagal din na hinanap niya.
Kung kailan handa na siya na magtiwala at magmahal ulit saka naman niya nalaman na isang palabas lang ang lahat tungkol sa sakit nito. At ang mas nakakatakot pa bumabalik ang bangungot niya tungkol sa isa sa mga pinakatatago niyang sikreto na naging dahilan kung bakit kailangan niya itong hiwalayan.
Kasinungalingan at pagpapanggap. May puwang pa ba ang ikalawang pagkakataon para sa kanilang dalawa?