Tables Turned

Pagibig.

People say love is the most powerful thing in the world, ito daw ang nagpapatakbo sa buhay ng mga tao. Pwede din kayang humina ito? O kaya mamatay? Paano pag nawala ito? Ano na kayang mangyayari sa mundo? O sa mga taong nakakaranas, nakakatanggap at nagbibigay nito? Masyadong maraming tanong ang bumabalot sa isipan ng mga taong nagkakaroon ng kuryosidad dito.

Akala ko kapag nagmahal ang isang tao parang katulad lang ng mga nasa nobelang nababasa ko na kahit anong pagdaanan nila sa huli ay magiging sila pa rin, sa huli tatahakin ng dalawang taong magkahawak ang kamay at nagmamahalan ang altar ng may mga luha sa mga mata dahil sa dulot na saya nito sakanila at sa happy ever after na nakamit nila pagkatapos ng mahaba habang kabanatang pagpapahirap ng author sa buhay nila, pero nagkakamali ako, iba pala pag sa realidad na nangyare to.

Walang edit, walang save na pwede mong pindutin sa oras na gusto mo munang ihinto, at hindi mo din pwedeng i-preview para lang mabalikan mo ang mga nangyari.

Ang pagibig parang roller coaster, maraming ups and down, iba't iba ang mararamdaman mo kapag sumakay ka na dito, kaba, takot, lungkot at tuwa ang mararanasan mo, minsan gugustuhin mo pang tumigil kahit na nasa kalagitnaan ka na nito kase talaga namang nakakatakot pero gagawin ko ang lahat hanggang sa makarating sa dulo, hanggang sa ako ang manalo sa larong ito, mahaba haba man ang lalandasin, paikot ikot man at nakakahilo, ngunit sa huli makikita mo yung kapalit ng pagsugal mo.

Kung ganoon mas worth it siguro ito kapag may kasama ka, magkahawak ang mga kamay at parehas na nakakaranas nito sa isa't isa pero sa sitwasyon ko? Ako lang yata ang magisa, para akong nasa isang roller coaster na dalawa ang upuan ngunit nagiisa ako habang tinatahak ang lahat ng yon . Makakayanan ko kaya?