Unang Kwento sa Serye ng Bayan Ng Bahaghari Nang mangyari kay Thaleeya ang isang trahedya, mas lalo siyang naniwala na madamot sa kanya ang mundo. Pinagdamutan na siya nito nang pagmamahal mula sa taong gusto niyang mahalin rin siya pabalik, pati ba naman ang kakayahan niyang ipagpatuloy nang normal ang buhay niya dahil sa kabiguang nadama niya, ay hindi rin nito ibibigay? Lumipas ang panahon at akala niya'y magiging maayos na ang lahat, ngunit, nang mapadpad siya sa hacienda na pagmamay-ari ng kanilang pamilya, ay siya ring pagsulpot nang isang makulit na hardinero sa buhay niya. Pati ba naman ang oras na hinangad niyang maging mapayapa habang nasa hacienda morales siya ay ipagdadamot rin ng mundo, sa katauhan ng isang lalaki na sideline lang daw ang pagiging hardinero nito? Mas lalo pang nakakainis ang mabaho nitong palayaw na 'Nikong'. Paano pa siya nitong makakabangon muli sa nabigo niyang pag-ibig, kung bawat araw na nakikita niya ang walang-hiya nitong mukha ay lalo nitong pinapaalala sa kanya ang mga katangian ng lalaking minsan niya nang minahal?