The FALLEN Trilogy book 1: ANGEL NEXT DOOR (approved under PHR, UNPUBLISHED)

Isang Watcher si Luther. Binabantayan niya ang pitong taong gulang na si Natalie. Hindi namamalayan ni Luther na nagkakaroon na siya ng emosyon para sa mortal na kanyang binabantayan.

Nang oras na para sunduin si Natalie ng Death Angel, pinigilan iyon ni Luther. Iniwasan niyang mamatay si Natalie. Dahil doon, itinakwil si Luther bilang anghel at naging fallen angel. Naging isa siyang mortal sa katauhan ni Ezra.

Pero nakilalang muli ni Ezra si Natalie, sa pagkakataong iyon, dalaga na ito. At kahit wala nang naaalala si Ezra sa nakaraan niya bilang isang Watcher, naging malinaw na sa kanya ang nararamdaman para kay Natalie. Mahal na niya ito.

At kahit bilang isang mortal, nagawa pa rin ni Ezra na ibuwis ang buhay niya para kay Natalie. Sa pagkakataong iyon, mukhang hindi na niya muli pang makikita ang dalaga.