All in One Glimpse Trilogy Book 3: Songs of our Hearts

Bata pa lang si Aileen pangarap na niya ang maging international anchorwoman. Kaya big no no siya sa mga boys at sa relationship. Enter Miguel Salvador, isa sa dalawang best friend ng bayaw niya. He's the poster boy of a Casanova. Notorious ang pagiging playboy kaya laking gulat niya noong nagtapat ito sa kaniya at gusto raw siya. Inamin pa sa kaniya nito na hindi ito makapagperform sa kama dahil sa kaniya. Siyempre, hindi siya naniniwala. Ano siya bange? Pero napakatiyaga nito hanggang sa matutunan na rin niya itong mahalin. At hindi naman siya nagkamali ng desisyong buksan ang puso para kay Miguel.

She was loved and cherished. Wala na siyang mahihiling sa buhay. Walang araw na hindi ipinakita sa kaniya ni Miguel kung gaano siya kamahal nito. Pero dumating ang panahong susubok sa tatag ng relasyon nila. Dumating ang katuparan ng matagal na niyang pangarap, pero ang kapalit noon ay isang long distance relationship.

Panatag siya dahil alam na alam niya kung gaano siya kamahal ni Miguel. Pero marami talagang namamatay sa maling akala. Dahil nagising na lang siya isang araw na iniiwasan na ni Miguel at umamin itong may nabuntis na babae at ibang pinakasalan. Lintik! Naloko siya pagkatapos niyang umasa sa mga pangako nito. Sinayang lang ng lalaki ang limang taon nilang relasyon. At ang mas masakit sa lahat, mas kinampihan pa si Miguel ng buo niyang pamilya at inilihim sa kaniya ng mga ito ang ginagawang milagro ni Miguel sa Pilipinas.