EVERGLOW

Mga panahong kay saya
Iyon, mahal ay noong ika'y aking kasama
Masasayang araw na binuo nating dal'wa
Puro ngiti at tila ba'y walang problema

Pangarap na binuo sa sandaling kayakap ka
Makikinang na mata'y sakin nakamata
Mga labing minsang dumampi sa'king mukha
Ikaw ngayon ay laging hinahanap, sinta

Dumating ang araw na tayo sana'y mamumuhay bilang isa
Ngunit anong sakit nang ika'y mawalay sa piling, sinta
Telebisyon at unan ang naging sandalan
Paano lalaban kung wala namang ipaglalaban?

Tila winasak ang buong AKO nang ika'y mawala
Ngunit aking naisip, may bukas pa kaya?
Oo, meron pa, sagot ni bathala
Ako'y kumapit at ginawang inspirasyon ka

Hindi madaling mag umpisa sa dapat kalagitnaan na
Hindi madaling ngumiti kung ang kasiyahan ko'y wala na
Hindi madaling mamuhay kung wala namang pag-asa
At hindi madaling mabuhay nang wala ka

Ngunit aking iniangat ang sarili mula sa lupang pinagdapaan
Bumangon at pinatatag ng aking nakaraan
Ikaw ang iniisip at ginagawang inspirasyon sa kahit anong paraan
'Pagkat ikaw ang siyang bumuo ng aking pagkatao at hinding hindi malilimutan