Kung Kailan

Si Shaminah Herrero ay isang tibong babae na may simpleng pamumuhay lamang. Simula bata niya hanggang sa siya'y maghigh school ay may pusong lalake na ito. Madaming nanghihinayang sakanya dahil sobrang ganda pa man din nito. Maputi, makinis at kahit tibo siya ay may mahaba pa rin itong buhok. Kahit gustuhin niya mang ipaputol ito ay ayaw ng kanyang ina dahil hindi pa rin tanggap ang pagkatao niya. Ngunit kahit sinong lalaki pa ang iharap mo sakanya ay may napupusuan na itong kapwa niyang babae na si Janine. Kagaya niya ay magandang babae rin si Janine. Madami ring nagkakagusto sakanya dahil maganda na, matalino pa. Si Janine ang ultimate crush ni Shaminah. Iharap mo lamang si Janine sakanya ay buo na ang kanyang araw. Kumukuha lamang si Shaminah ng tyempo upang aminin na sakanya ang kanyang nararamdaman ngunit sa hindi inaasahang pagkakataon ay gumuho ang mundo niya ng malamang may iba na itong mahal. Ang lalaking iyon ang naging dahilan kung bakit galit na galit si Shaminah sakanya. Ang nakakatuwa pa ay kaklase niya ang lalaking iyon. Halos isumpa na ni Shaminah mula sa anit ng buhok niya ang lalaking ito hanggang sa nagdesisyon siyang sirain ang kanilang relasyon.

Paano niya kaya ito sisimulan? Paano niya kaya papakisamahan ang lalaking maski anino ay kumukulo na ang dugo niya? Kung kailan aamin na siya, doon naman dumating ang malaking hamon sa buhay niya.