Ensnared

[ROMANCE | FANTASY]
Si Emily ay lumaking naniniwala sa fairytale dahil sa kanyang lola. Naniniwala siya sa forever at happy endings; Naniniwala siyang kayang malampasan ang anumang pagsubok sa buhay at makakamit din ang kasiyahan sa huli. Sabi nga, "There's always a rainbow after the rain."
Pero paano na lang kung ang paborito niyang mga karakter sa bedtime story na ikinukwento ng kanyang lola noong siya'y bata pa ay iba pala ang kinahinatnang katapusan? Ibang-iba sa "and they lived happily ever after" noon? Paano na lang kung imbis na kasiyahan, kamatayan ang nakamit ni Prinsipe Gabriel at Lyanna?
Pinilit ni Emily na ipabago sa kanyang lola ang katapusan ng kwento, ngunit ilang pangungusap lang ang itinugon nito. "Nakasulat na ang nakasulat. Hindi na maaaring baguhin pa ang nakatakdang mangyari. Hindi kayang labanan ang tadhana, wala na akong magagawa pa."
Ngunit paano kung isang araw ay magising na lang siya sa loob ng mundo ni Lyanna at Prinsipe Gabriel? Magawa kaya nyang baguhin ang takbo ng tadhanang itinakda ng kanyang lola? O hindi na sila makakatakas sa pagkakagapos ng tadhanang pilit niyang nilalabanan?

Paano kung pati siya'y mahulog sa bitag ng tadhana?

Sundan ang pakikipagsapalaran ni Emily sa kwentong ENSNARED.