ITIM AT PULA [ ON HOLD]

Ito ay kwento ng isang lalaking tao na piniling kalabanin ang buong lahi ng mga halimaw para ipaglaban ang pag-ibig niya sa isang babae na prinsesa ng mga aswang.

"Handa ka ba mahalin ang isang babae kahit na alam mong hindi mo siya kasamang tatanda?"

" Handa ka ba hamakin ang lahat at ipaglaban siya kahit mailagay pa sa piligro ang iyong buhay"

"Handa ka ba kalabanin ang buong mundo para lamang sa kanya"

" Ito ay kwento ng isang lalaki na umibig sa isang babaeng Aswang"

" Ang aking kwento......"

++++++++++++++++++++++++++++++++

Si jonathan ay isa lamang normal na estudyante hangang nung isang gabi ay biglang nagbago ang takbo ng kanyang buhay nang may madiskubre siyang secreto tungkol sa mundong kanyang ginagalawan.

Isang gabi habang binabagtas ni jonathan ang madilim at tahimik na kalsada pauwi sa kanyang dorm ay bigla na lamang sumulpot si maia, isa sa kanyang mga kaklase at ang mismong hinahangaan niyang babae sa kanilang classroom.

"Huli na para tumakbo jonathan..... magtago ka sa aking likoran at pro-protektahan kita"

Hindi alam ang ibig sabihin ng iwinika ng kanyang kaklaseng babae ay nanatili lamang sa pwesto si jonathan hangang may isang makapanindig balahibong alulong at kaluskos siyang nadinig.

Mula sa itaas ay isang halimaw ang nagpakita, mapupula ang mga mata nito na nanlilisik, may pakpak ito na ilang metro ang haba na kayang suportahan ang buong katawan ng isang tao, nasa ere ay agad nitong sinubukang sungaban si jonathan ngunit bago pa man ito mangyari ay naitulak ni maia si jonathan palayo sa halimaw at si maia ang natangay nito.

2022 Remake Version of the Original Novel by the same title