Taz:The Cold-Hearted Prince

Anastacio "Taz" Miranda, 29 Businessman
May ari ng kilalang brand ng sapatos sa bansa. Masungit, palaging nakasimangot at hindi marunong magpasalamat. Lumaking may galit sa ina. Iniwan ba naman siya at ang kanyang papa at ipinagpalit sila sa ibang lalaki. Ano'ng klaseng ina nga naman ang matitiis na iwan ang anak at asawa para sa sariling kaligayahan? He was just 14 years old back then.
Matapos niyang magkolehiyo ay nag asawa rin ang kanyang ama at nanirahan sa ibang bansa. Naiwan sakanya ang ari arian nito na ipinagpatuloy naman niya. Naiwan sa pangangalaga niya ang pinsang si Tannie. Naulila si Tannie dahil parehas sila ng kapalaran sa ina. Noong araw na tatakas ang mommy ni Tannie kasama ang kalaguyo nito ay naaksidente ito. Inatake naman sa puso ang daddy ni Tannie na noon ay high school pa lamang. Mula noon si Taz na ang kasama nito sa buhay. Magkatabi ang bahay nila sa Villas de Tenerezza, ngunit nang makabili ng bahay si Taz sa Savage Ville ay doon na ito madalas mag stay. Ang katulong na kasa kasama ni Tannie ay siya na lamang napag-utusan ng binata na tumingin sa ancestral house nito sa Villas de Tenerezza.
Makikilala ni Taz ang kaibigan ni Tannie na si Kairee. Magiging secretarya niya ito, aminado naman siyang attractive ang dalaga, iyon nga lang ay inlove na inlove ito sa boyfriend nito. Kapag nakikita niya si Kairee ay hindi niya mapigilang magsungit. Paano ba naman? Ang dami naman kasi ng iibigin yung taong malayo pa sakanya. Samantalang siya itong kasama palagi ni Kairee ni hindi man lang magawang tingnan siya.