In a world full of uncertainty, the best I could do is to go with the flow. That was my way of living. Most of the time, things won't go on my favor and odds are against me. But I always find reasons to be happy.
Tapos, nakilala ko s'ya. Dahil sa kanya, lumaban ako sa agos ng buhay. Alam ko kasi na hindi kami bagay, hindi kami itinadhana, hindi para sa isa't isa, hindi meant to be, hindi soulmate... basta hindi kami. Pero lahat ng bundok ay handa akong akyatin, handa akong lumangoy sa seven seas, handa ako na tumakbo ng one hundred laps sa Rungrado May Day Stadium, at handa akong masupalpal ng magaspang na ugali n'ya.
Wala akong makitang rason para maging masaya tuwing kasama ko s'ya. Parang siraulo na masaya lang talaga ako. Walang rason, walang paliwanag, basta katabi ko s'ya, automatic na na masaya ako. Napakasama ng ugali n'ya, nuknukan s'ya ng sungit, at sama ng loob na nagkatawang-tao, pero masaya talaga ako sa kanya.
Dati nang may sira ang ulo ko. Madami na akong turnilyong naiwala sa utak ko. Pero mas lumala yata ako nang makilala ko s'ya. Mas hindi ko na maipaliwanag ang sarili ko nang mahalin ko s'ya. Wala nang prinsipyo, walang rason, walang kahit na ano. Basta mahal ko s'ya.
In the world full of uncertainty, the worst I did was to fall in love with him.