Sa Kanya

Ang buhay na’tin, parang pagkain. Minsan matamis pero nakakaumay, minsan matabang at nakakawalang-gana, parang may kulang. Minsan maalat, minsan mapait. At para makuha ang tamang lasa na hanap na’tin, tayo mismo ang gumagawa ng paraan para rito. Kailangan na’tin itong isapuso para makuha ang tamang timpla.

Sa kwentong ito, malalaman niyo ang iba’t-ibang timpla ng ating buhay, kung saan may mga oras na talagang masaya ka at halos kumpleto ka na, pero sa kasiyahang natatamasa mo, makakaranas ka rin ng mga pagsubok na susukat sa kakayahan mo. May mga oras na madadapa ka at malulungkot, maaaring kung minsan ay gusto mo na lang sumuko. Sa kabila ng mga kabiguan mo, gusto mo nalang yun iiyak lahat pero sa bandang huli, malalaman mo na kailangan mong bumangon sa’yong pagkadapa, kailangan mong maging Masaya sa kabila ng iyong kalungkutan. At isang araw, gigising ka nang puno ng pasasalamat dahil alam mo sa sarili mo na lahat ng pinagdaanan at pinaghirapan mo ay siya mismong humubog sayo bilang isang mas matatag na tao.