Somewhere Only We Know

JASON puffed his smoke and looked up the ceiling. Kasalukuyan siyang nakaupo sa ladder step ng fire escape sa fifth floor. Tahimik ngayon sa campus kasi wala pang mga estudyante at napaka-aga pa. Pero matiyagang nag-aantay si Jason para sa isang dalaga.

Bumukas ang pinto sa susunod na palapag ng fire escape at umupo siyang maigi. Nariyan na si Marjory. He extinguished his cigarette with his foot on the floor, and listened.

Kumanta ang dalaga ng kaniyang worship song at dinasal ang morning prayer. Kasama sa dasal nito ang mga ordinaryong taong kabilang sa buhay nito.

Umangat ang sulok ng mga labi ni Jason at tumingala sa kisame habang pinakikinggan ang panalangin nito.

Isang buwan na niyang naririnig magdasal si Marjory sa fire escape. At isang buwan na ding siyang tsismoso.

Aminado naman siya na hindi para sa kaniya ang mga dasal na 'yon. Talagang hindi niya kayang lumayo kasi tulad ng ibang ligaw na kaluluwa, hinihintay ni Jason na ipagdasal siya ni Marjory Arieta.