Bar Scene of A Broken Hearted (One Shot)

"Yung nasa point ka na na handa ka nang bitawan lahat ng pride mo, na kahit anong lumabas sa bibig nya, tatanggapin mo, MAHALIN KA LANG.

kahit alam mo naman sa utak mong mali, ipagsasapilitan mong tama,
kahit sabihin sa'yo ng lahat ng tao na mas deserve mong mahalin ng iba, magbibingi-bingihan ka, kasi ang tanging gusto mo lang ay kayo, walang iba.

Alam mo naman talagang wala na, lunod na lunod ka na, pinagmumukha niya na sayo na ayaw niya na,
kaawaawa ka na, alam mo sa isip at puso mo yun, pero pinaglalaban mo pa din, gagawin lahat, wag lang siyang mawala,
pilit mong binabalikan ang mga alaala na mahal ka niya, pero yung totoo, wala na, minahal ka na lang niya.

Wala nang kayo, alaala nalang ang hawak mo.

kaya sa unang linyang ito, wala nang silbi kung ano mang sabihin niya, ang nais mo na lamang ay marinig ang boses niya, oo, ganun ka babaw,
pero kung iintindihin mo siya? wala na sa isip mo 'yun,
kasi handa ka na, handa ka nang tanggapin at gawin ang lahat lahat,
wag lang siyang bumitaw.

Ang awitin kong "Kahit kunwari", PARA SA LAHAT NG MGA TAONG PILIT IPINAGSISIKSIKAN ANG MGA SARILI NILA."

*From TJ Monterde's facebook status.