HINDI KO ALAM

Hindi ko alam kung paano sisimulan,
Itong tula na alam kong kahit kailan hindi mo babasahin
Ngunit sa kabila non ay umaasa pa rin na sana'y balang araw ako'y iyong hahagkan, At sasabihin mong "hinding hindi kita sasaktan"
Ito na naman ako nag-iilusyon,
Nagpapadala sa aking emosyon
Masaya lang kasi ako pag binabanggit ang pangalan mo,
Hindi mapakali itong puso ko
Hindi ko alam kong paano,
Paano ibabaling sa iba itong isip at puso ko
Bakit ganito na lang ang epekto mo?
Dahil ba kung mahalin kita'y ganito?
Ikaw ang nagbibigay buhay,
Sa mundo kong minsa'y matamlay
Ikaw ang aking pangarap,
Na pipiliting abutin kahit mahirap
Ng minsa'y tayo pinagtagpo
Daiig ko pa ang nanalo sa isang palaro
Labis ang aking tuwa
Kahit na alam kong hindi mo ko kilala
Ngunit dapat ba talaga ako maging masaya?,
Na marami kaming iyong pinapasaya?,
Alam ko wala akong karapatang magselos,
Kahit dito sa puso ko'y tagos na tagos
Pilit na nagbubulagbulagan,
Kahit na nahihirapan
Ngunit bakit hindi ko maiwasan,
Ang lungkot na aking nararamdaman
Ang sakit isipin na bumabalik balik ka hindi para sa akin,
Bumabalik ka kung hindi para sa amin
Oo marami kaming nagpapakatanga sayo,
At marami rin kaming pinapaasa mo
Hindi ko magawang magalit,
Kahit na ang puso'y nagpapakasakit
Sino nga ba naman ako?,
Na hamak lamang na tagahanga mo
Hindi man kita matatawag na akin,
Ngunit pilit pa rin pinaglalaban na kung anong meron dapat sa atin Masaya ako pagnakikita kita,
Pero mas sasaya ako kung kapiling kita
Kung mangyari man na bumaliktad ang mundo,
Na ikaw naman ang magiging tagahanga ko
At ako naman ang iyong iniidolo
Huwag kang mag-alala dahil hindi ko ipararanas sayo
Ang sakit na minsa'y dinanas ko
Hindi ako titigil sa aking imahinasyon,
Kasi nagbabakasakali na ang mundo'y umayon
Diringgin ang panalangin,
Na ika'y magiging akin
Umaasa ako na sana'y sa bandang huli hahawakan mo ang kamay ko,
At ipagsisigawan mo sa mundo
Na ika'y masaya kasama ako
Na saba'y nating haharapin ang panganib dito sa mundo