Maid to Love You

Super crush ni Angela ang sikat na basketball player na si Arkin. Kaya naman nang magkaroon siya ng pagkakataon na makadaupang-palad ito ay hindi na niya pinalagpas iyon. Agad-agad siyang nagpunta sa lugar kung saan niya ito makikita.

Pero sa halip na si Arkin ay ang mayabang nitong teammate na si Gavin ang nakadaupang-palad niya... Este nakabangga pala. At sa malas niya ay nagkaroon pa siya ng utang kay Gavin.

Sa kakulangan sa pera ay naisip niyang ipambayad na lang ang kanyang sarili... Hep hep! Sa paraang hindi gaya ng iniisip mo. Nagprisinta lang siyang maging maid nito at sa kapipilit niya ay pumayag naman ang binata. Titiisin na lang niya ang pagsusungit nito. Tutal naman, nasa kasunduan nila na isasama siya nito sa mga basketball game nito. Meaning, makikita pa rin niya ang pinakamamahal niyang si Arkin.

Ang kaso, sa paglipas ng mga araw ay namalayan na lang niyang nag-e-enjoy na siya sa pagiging kasambahay ni Gavin. At mukhang gusto na rin niyang maging may-bahay nito.