GABRIELA

Magulang - dapat mo bang isumbat ang mga nagawa mong obligasyon sa iyong anak? At dapat mo din bang ipasa sa anak ang obligasyon mo sa iyong magulang? Anak- dapat mo bang kalimutan ang sakripisyo ng magulang kapag nakaahon ka na sa buhay?

Ako si Gabriela Agoncilio, nag iisang anak, dahil sa naisilang ako sa panahon na mas pinapaburan nila ang lalaking anak kaysa sa mga babae sigurado akong magiging extra ordinaryo ang magiging takbo ng buhay ko, lalo na at ako ang sinisisi ng aking ama sa pagkawala ng aking ina. Makakaya ko kayang gawin o higitan ang tungkulin ng anak na lalaki sa kanyang magulang? o mapanghihinaan lang ako ng loob dahil sa pag trato sa akin ng aking ama? na pakiramdam ko ay walang pakialam sa akin. Makukuha ko kaya ang pagkilala nya kahit na ako ay babae? o habang buhay nyang pagsisisihan na naging babae pa ang naging anak nya, na sya pang ikinamatay ng kanyang pinakamamahal na asawa? At sa kalagitnaan ng responsibilidad ko ay makikigulo pa ang pag-ibig? Ano ang gagawin ninyo kung kayo ang nasa katayuan ko?