Tacloban: Flaming Love of the East

Malamig ang simoy ng hangin na tumatama sa makinis na balat ni Atarah. Sumasabay naman sa kanyang hakbang ang pagsayaw ng alon sa dagat. Papalubog na ang kulay dugong araw nang maisipan niyang maglakad-lakad sa dalampasigan. Nakangiti niyang pinagmasdan ang bawat pares ng taong kanyang nadadaanan. Kinikilig siya sa isipang romantiko ang oras na iyon para sa mga magkasintahan.

'One day, I'll be watching sunset with the love of my life. At pagmamasdan ko ang bituin sa kalangitan habang nakahiga sa dalampasigan.' Napangiti siya sa imahinasyong nabubuo ng kanyang isipan.

Nagpatuloy siya sa paglalakad habang bitbit ang kanyang tsinelas. Binaybay niya ang dalampasigan habang walang tigil ang paghabol ng alon sa kanya. Sa di kalayuan ay naabot ng kanyang tanaw ang magkasintahang umiindak kasabay ang musika na dala ng kalikasan.

"I will love you forever Stacey." Narinig niyang wika ng lalaki dito. Kinilig pa siya nang makitang hinalikan ng lalaki ang noo ng babae at niyakap ito ng mahigpit. Muling dumako ang kanyang tingin sa payapang dagat na ngayon ay binalot na ng dilim. Ilang segundo din siyang nakatayo bago naisipang umupo sa dalampasigan at tumingin sa langit.

"I will write my own love story and I will make it lasts forever." Nakangiti niyang wika.