Isang Linggong Byahe

Hindi 'to description pre ha.
--

Si Steven ay may magaspang na ugali, pasaway at kung may buntot, sungay at pangit na itsura ay mapagkakamalan itong demonyo. Kabilang sila sa mga taong sinuwerte na magkaroon ng magandang bahay, sunod na luho at sobra-sobrang salapi. Nagbago ang lahat ng ito nang bumagsak ang kanilang negosyo at nang dapuan ng matinding sakit ang kanyang ama. Naubos ang kanilang yaman at kinakailangan nilang lumipat sa lugar na hindi nila nakasanayan.

Unti-unti na niyang nakalimutan ang buhay mayaman at nasanay sa buhay iskwater kasama ang napili niyang maging kaibigan at napilitang magtrabaho bilang isang pedicab driver. Isang pasahero ang nagdala sa kanya sa lugar ng sampung taong gulang na si Amos sa Brgy. Mandaragit. Lugar na makakapagpabago sa kulay ng kanyang dugo, ikot ng mundo, buhay, pananaw, paniniwala at paboritong pagkain.

Makakaya kaya ni Steven ang mga pagsubok na daranasin niya tungo sa magandang resulta ng pagbabago?