Man In The Mirror

Sinamahan ni Shaina ang kaibigan niyang si Maxine na magpunta sa isang Antique Shop dahil na din sa kagustuhan ng Lola nito.
Ang hindi alam ni Shaina, sa pagpunta niya sa lugar na ito marami ang magbabago sa buhay niya.
Makikilala niya ang isang lalaki na isinumpa at nakulong sa loob ng isang salamin. Magsisimula siyang maniwala na ang mga inakalang niyang kathang-isip lamang ay totoo. Matututunan niyang humanap ng kasagutan sa mga bagay na gumugulo sa kanyang isipan at maging sa mga bagay na nais niyang mabigyang kalutasan. At higit sa lahat... matututunan niyang maglaan ng puwang sa puso niya para sa taong mahal niya.
Pero paano kung makilala niya ang isang lalaki na nasa harap na niya at handang ibigay ang lahat para sa kanya. Sino ang pipiliin niya, si Jacob ba na limitado ang oras at puno ng sikreto o si James na laging nasa tabi niya pero kailan lang niya nakilala?
Kung piliin ni Shaina si Jacob handa ba siyang magsakripisyo? Handa ba siyang magmahal ng taong ano mang oras ay maaaring mawala sa kanya? Handa ba siyang tanggapin na tulad ng sa isang salamin ay maaaring mabasag ang pagmamahal na mayroon sila?
Kung piliin naman ni Shaina si James handa ba siyang magbuhay prinsesa? Handa ba siyang magmahal ng taong hindi siya iiwan pero maaaring mauwi sa pagka-sakal niya sa pag-ibig? Handa ba siyang mahalin si James kahit na hindi pa niya lubusang nakikilala ang buong pagkatao nito?