Those 12 Farmers (EXO FANFICTION)

Ang Hacienda de Ibarra ay makikita sa isang probinsya na pagmamay-ari ng isang dating gobernador ng San Diego na si Don Rafael Ibarra. Siya'y namumuhay ngayon sa Maynila kasama ang anak nito na si Chris Ibarra at si Clara Ibarra. At syempre, ang nag-iisang apo na si Claire. Lahat ng luho ng apo ay nasusunod dahil na rin sa matandang Ibarra. Lumalaki itong spoiled sa lolo at may kamalditahang taglay. Parati itong may inaapi o di kaya'y pinagtritripan.
Isang gabi, nagkaroon ng isang panaginip ang matandang Ibarra. Sinasabi doon na kailangang tumino ng apo sa pamamagitan ng isang lalaki na magiging kasintahan nito, at mapapangasawa. Tumatanda na rin kasi ang apo at hanggang ngayon, wala pa itong nagiging kasintahan. Kapag walang tumanggap at nakapagtyaga sa ugali ng apo, kukunin na ito ng yumaong asawa na si Georgina. Natakot ang matanda kaya naman agad agad itong nagpahanap ng mga binatang mula sa kilalang pamilya upang ligawan ang apo. Pero lahat ay tumanggi ng malaman na isang Claire Ibarra ang ipapaligaw sa kanila.
Hindi na alam ng matanda ang gagawin kaya pinwersa niya ang apo na magkaroon ng kasintahan, at dahil sa ayaw ng apo, nagwala ito at lumabas ang tunay na kamalditahan sa harap ng lolo. Nagulat ang matanda sa inasal ng apo kaya napagdesisyunan nitong ipatapon ito sa kanilang Hacienda. Walang nagawa si Claire at agad na ipinatapon sa Hacienda de Ibarra. At doon niya makikilala ang 12 binatang nagtatrabaho sa kanilang Hacienda.
Ano na lang ang mangyayari kapag nagsama-sama ang mga probinsyano at ang isang Manila Girl?
Magkakagulo ba sila o may mabubuong pagtitinginan?