Tula Ng Nakaraan

Mga tula na nilikha
Mga tula na hugot ng damdamin
Mga tula na mula sa pusong kinimkim

Na dapat ay sinalita
Ngunit nasaan ka na sinta
Para sayo ito, mahal kita

Paulit ulit pa ring nagmamahal
Ang pusong laging nasusugatan
Ang pusong patuloy na umaasa

Sana kapag nakita ka sinta
Ikaw na ang huli at wala nang iba
Dahil sayo lang iaalay
Ang pusong palaging may latay

Sana mahanap na kita sinta
Sana ikaw na nga ang nakita
Aalagaan at magiging tapat sayo
At tanging ikaw lang ang mamahalin

Iyan ang pinapangako ko
Hinding hindi kita paiiyakin
Dahil mahal kita