Si Fara Cervantes, 3 taon na siya sa pagpupulis. Sa tatlong taong iyon, nagpamalas na siya ng galing hindi lamang sa bakbakan pati na rin sa imbestigasyon kaya marami ang humahanga sa dalaga. Ngunit hindi lang galing sa propesyon ang hinahangaan ng marami, kundi ang kagandahan ng dalaga. Sa kabila ng lahat, wala itong panahon para pansinin ang papuri, lalo na ang papuring galing sa mga lalaking humahanga sa kanya. Ang seguridad ng mamamayan lamang ang importante sa kanya. Ang kanyang pagpupulis lang. Ngunit nakilala niya si Tristan Jake Velarde, ang lalaking nagpatibok ng kanyang puso na akala'y kontrolado na niya..