Tagpo

Isang tagpo,
ang nagbago,
sa aking buhay;
matapos ang paglalakbay,
ng aking pusong sawi
at puno ng hapdi.

"Good Afternoon Ladies and Gentlemen, I am Katrina Mae Sison, 22 ng Barangay Poblacion. Na nagsasabing, 'Hindi sa pera o trabaho nasusukat ang tagumpay, kundi sa kung paano mo nalagpasan ang mga hamon sa buhay!' And I Thank You! " iyan ang masiglang pambungad ko sa isang beauty pageant sa aming bayan. 10,000 rin ang panalo, sayang di ba? Pak na pak ang awra ko ngayon kaya feeling ko ako mananalo.

Matapos ang ilang minuto, 'yun! Tapos na ang swimsuit at long gown competitions at tatawagin na ang top 3 for the Q&A Portion. So syempre ang lola niyo pasok! So naghahanda na ako sa tanong baka kasi mahirap. Ako ang unang tinawag. At ang tanong ay: "Saan mo gagamitin ang mapapanalunan mo dito kung sakaling ikaw ang manalo? "

Siyempre nag-isip muna ako. So naisip ko magdrama na lang para maantig sila.

"Thank you for that wonderful question! " pambungad ko.
"Kung ako ay mananalo ngayong gabing ito, gagamitin ko ang pera upang tulungan ang aking magulang. Ibibili sila ng kabuhayan. At ang natira sa pera ay, syempre, para sa akin di ba? Alangan na wala akong ibibigay sa sarili ko di ba? Gagamitin ko ang natira upang maglakbay! " pagkasabi ko ng 'yun, may sumigaw ng 'boo'. Nawala composure ko that time kaya hinanap ko at nakita ko ang isang lalaki. To be honest, ang gwapo gwapo niya!! Pangit nga lang ang ugali!
"Quiet please! So okay, mas gagamitin ko ang natirang pera upang maglakbay para mahimasmasan naman ako sa takbo ng buhay sa siyudad kaysa naman bumili ng isang ticket para sa isang pageant para lang sumigaw ng boo!! 'Yun lamang po and I thank you! " tuloy ko sa aking sagot. Siyempre pagkasabi ko nung mga huling linya, nanlilisik ang aking mga matang nakatingin sa lalaking iyon.

At pagkatapos ng pageant, ako ang nagwagi! Obvious naman di ba? Haha. Umalis na ang lalaki at sabi ko sa isip ko:
"Babawian kita. Magkikita pa tayo."