Jinxed Series: A Beautiful Scar

Von Carlos Renolt:

Handa na akong tumalon ng high-rise building para tapusin ang buhay ko. Wala nang pwedeng mawala sa akin matapos kong isuko ang pangarap na maging isang pintor.

Bago ko pa gawin 'yon, dumating siya sa buhay ko, sakay ng broomstick. Isa siyang mangkukulam, at nakikita niya ang future. May sumira daw ng tadhana ko kaya hindi ako naging pintor. Sumama daw ako sa kaniya sa Baler, Aurora at Basco, Batanes dahil tutulungan niya akong tuparin ang pangarap ko.

Devil worshipper daw ang mga mangkukulam. Totoo ba? Para siyang anghel sa lupa. Isa lang naman akong hamak na mortal na umaasa na siya ang magiging nanay ng mga anak ko balang araw.

Tonya Markova:

Tinadhana akong tulungan siya na maging isang pintor.

Talo ako sa usaping tadhana. Isang lalaki lang ang mamahalin ko. Pero hindi masusuklian ni Carlos ang aking pagmamahal. Ang sabi ng kapalaran ko, hanggang kaibigan lang ang tingin niya sa akin. Tinadhana akong mahalin siya, pero ibang babae ang tinadhana ng Diyos para mahalin niya.