Frankenstein's Daughter

Lumaki si Geneva na ina lamang ang kasama. Wala itong kibo kapag tatanungin niya ito tungkol sa ama nito. Hinubog nito ang kanyang pagkatao. Hinasa siyang makipaglaban upang ipagtanggol ang sarili. Hindi niya alam para saan ito hanggang sa huling hininga ng ina. Nalaman niyang hindi ito ang kanyang ina. Hindi niya lubusang nalaman ang lahat tungkol sa pagkatao niya dahil nalagutan na ito ng hininga. Iilang bagay lamang ang natatandaan niya sa pag-amin ng ina.

"Ngayon, mamamatay na akong payapa dahil naituro ko na sa'yo ang mga dapat mong malaman at kakailanganin mo ito para mabuhay. Ang totoo, hindi ako ang iyong ina. Hindi ko alam kung sino ang mga magulang mo. Natagpuan lamang kitang nag-iisa sa gubat nang magawi ako roon. Nang malaman ko kung ano ka, nagdesisyon akong protektahan ka at turuan kang lumaban. Hindi ka lamang ordinaryong tao at dahil do'n maraming magtatangkang kunin ka o patayin ka. Maraming laban na nangyayari sa mundo at may kinalaman ka do'n dahil isa kang-"

Hindi na natapos ang pag-amin nito dahil binawian na siya ng buhay.

Now, she's left alone and fighting for her life.

Naiwang naguguluhan si Geneva sa mga sinabi ng inang kinagisnan. Wala siyang panahong maging mahina. Pumasok sa isip niya ang babala ng ina.