Bato by Carlo Hornilla Spoken Poetry

Ako si Carlo
Gumagamit ako ng bato
Totoong adik ako..
Adik sayo...
Alam mo lagi kong ginu-google maps ang bahay niyo.
No.31B,Palyocan West,Batangas City,
At palagi sa aking biyahe pauwi hindi maaaring hindi ako pumihit na dumungaw sa bintana ng jeep para masilip ang loob ng compound niyo.

Tinatanaw ko ang bintana ng iyong kwarto
At pinapangarap kung,kelan mo kayo ko iimbitahang pumasok sa loob ng bahay niyo.
Kelan mo kayo ko iimbitahang maging bahagi ng buhay mo.
Kelan mo kaya ko ipapakilala sa Nanay at Tatay mo.
Eto po si Carlo, Adik sakin to! Pag di pa to tumigil papakasalan ko to!

Ako yung bodyguard na hindi bayad.
Yung anghel na gwardiyang hindi nakakalipad.
Ako ang pinakamasidhi mong fan.
Mala-Housespeaker Pantallion Alvarez kay Duterte, kahit mali na, susundan.

Ako ang anino mo sa School,sa Gym,sa Private Library,sa Church,Sa Mall, ultimo sa pag-gogrocery.
Ang sarap sigurong ikwento sa magiging Apo natin to no?
Kung paano tayo nagumpisa sa pagsasalisihan sa mga pasilyo ng Surf,Breeze,at Tide.
Hanggang nauwi tayo sa 'You may now kiss the Bride'

Pero sa tuwing mapapalapit ang pag-Orbit ko sayo na kahit ilang metro.
May malakas kang Gravity na humihila ng milyong-milyong asteroids at bumabagsak sila utak ko.
Winawasak ang aking pagiging kalmado,napapraning ako.
Pano ba pag ganito?
Pano kung sinabi mo to?
Pano ba? Pano ba kung itanong mo kung ako ba yung naglalagay ng Graham Balls sa bag mo?
Ganun lang talaga kasi sinasamba kita kaya kailangan may alay.

Pano pag,Pano pag tinawagan mo yung cellphone number na palaging nagtetext sayo ng kung ano-ano.
Halimbawa,
I think i shall never see a line as lovely as the sky meets the see.
Until i saw your kilay.

Pano ba pag tinawagan mo yung cellphone number na palaging nagtetext sayo ng kung anu-ano? At nag-ring yung cellphone ko sa harap mo?
At pano pag iyong nabisto, na punong-puno ng save images mula sa facebook profile mo ang memory card ko?