Curses and Kisses

Madami na ang mga aktor at aktres na nakatanggap ng Oscar's at Emmy's Award dahil sa galing nila sa pag-arte. Hindi aktres si Sapphira pero sa tingin niya ay dapat siyang makatanggap ng parangal na ito.

Wala na siyang ibang ginawa kundi ang itago sa mga taong nakapaligid sa kanya, maski sa pamilya niya, ang totoo niyang nararamdaman. At iyon ay...

Wala.

Sa lahat ng puwedeng makaalam nito ay ang kinaiinisan niya pa na kapatid, si Cyd Thoren Kijamo. Ang ampon niyang kapatid.

Iniwasan ito ni Sapphira simula nang magkaroon ito ng nobya noong mga teenager palang sila, pero ngayong alam na ni Cyto ang matagal na niyang tinatagong sikreto ay napapalapit sila sa isa't isa. Madaming komplikasyon sa mga nangyayari sa kanila dahil una sa lahat, magkapatid sila sa papel, hindi nila puwedeng palalimin pa ang kung anong relasyon ang meron sila.

Pero ano ang laban ng papel sa dalawang taong nalulunod na sa isa't isa?