Heavenly

Dalawang karakter na sumasalamin sa kadiliman ng lipunan at isang nilalang na parating nandyan ngunit kailanman bawal baliktarin ang nakatadhanang kapalaran. Sila’y hinusgahan, itinakwil at pinagtagpo ng tadhana upang hanapin ang sa kanila’y pinagkait ng mundong ginagalawan…

Si Mayumi, ang babaeng nagbibigay ng kaligayahan sa mga taong hangad lamang ay panandaliang kasiyahan. Ang hanap niya’y karangyaan at kalayaan mula sa mga mapanghusgang lipunan na kasamang niyang namumuhay sa napakapait at napakaramot na realidad…

Si Marco, nasa kanya na ang lahat ng karangyaan, katanyagan at kaligayahan sa buhay ngunit sa isang pihit lamang ng gatilyo lahat ng ito’y naglaho ng mabilis pa sa bula. Ngayo’y hanap niya ang bagong buhay at bagong umpisa mula sa pagkakamaling kanyang pinagsisihan…

Si Mikael, ang isang anghel sa lupa na umaaligid kung saan man at parating nariyan sa pinakamadilim na pagkakataon ng buhay. Gumagabay at promoprotekta sa mga mortal na patuloy na nagkakasala. Dahil lamang sa personal na kagustuhang makatulong, isang kapalaran ang kanyang nabago…